Кодшо арнян республикыштына ОРВИ да грипп дене 3556 еҥ черланен. Тидыже тылеч кодшо арня деч 4,6 процентлан шагал. Грипп дене черланыме 28 случайым регистрироватлыме. Тиде чотышто – 14 ияш марте 17 йоча.
Карантиныш регионысо 7 йочасадыште 7 группым да 4 школышто 8 классым колтымо. Морко районысо ик йочасадым тичмашнек петырыме.
ОРВИ да грипп дене черланыме чот иземын толмылан кӧра Марий Элыште ограничитлыме мероприятий-влакым кораҥдыме. Ынде районлаштат, олалаштат шуко калыкым чумырышо тӱвыра да спорт мероприятий-шачычым эртараш лиеш.
М.ИВАНОВА.
