13 апрельыште Самырык-влакын политикышт, спорт да туризм министерствыште «Ош ладья-2018» всероссийский таҥасымашын республикысе этапшын сеҥышыже ден призёржо-влакым саламленыт.
Школышто тунемше-влаклан республикысе Шахмат федераций медаль ден дипломым, самырык-влакын политикышт, спорт да туризм министр Л.Батюкова шергакан шарнымашан пӧлекым кучыктеныт.
Эн сай результатым ончыктымыштлан Медведево посёлко гыч Д.Новосёловым (1-ше оҥа), М.Шмаровым (2-шо оҥа), Е.Насыровам (4-ше оҥа), Йошкар-Ола гыч Н.Железняковым (3-шо оҥа) шокшын саламленыт.
Тыге ончыкшым сай шахматист-влак кушкыт манын ӱшан шочеш.
Е.Эшкинина.
