12 апрельыште Марий Элым вуйлатыше Александр Евстифеев Москваште Россий Федераций правительстве председатель Дмитрий Медведевын эртарыме совещанийыште лийын. Тушто чоҥымо да инертный материаллан, тыгак национальный проект-влакым шуктышашлан кучылтмо оборудований ден битумлан акым шергештараш эрыкым пуыдымо нерген йодышым каҥашеныт.
Совещанийыште тыгак транспорт ден чоҥышо комплекс-влаклан материал ден оборудованийым ситарыме йодышым, ты шотышто элысе промышленностьын йєнжым каҥашеныт.
Совещанийыште Россий Федераций правительстве председательын алмаштышыже — Россий Федераций правительствын аппаратшым вуйлатыше Константин Чуйченко, Россий Федераций правительстве председательын алмаштышыже-влак Максим Акимов, Дмитрий Козак да Виталий Мутко, транспорт министр Евгений Дитрих, пӱртӱс ресурс да экологий министр Дмитрий Кобылкин, промышленность да торговльо министр Денис Мантуров, энергетике министр Александр Новак, экономический вияҥмаш министр Максим Орешкин, строительстве да жилищно-коммунальный озанлык министр Владимир Якушев, ведомство-влакын вуйлатышышт лийыныт.
Марий Элым вуйлатыше докладыштыже «Лӱдыкшыдымӧ да сай качестван автомобиль корно» нацпроект кышкарыште шукталтшаш «Корно сеть» региональный проектым шуктымо шумлык пеш кӱлешан йодыш-влаклан поснак кугу тӱткышым ойырен.
Марий Эл Республикым вуйлатышын организаций да аналитике виктемжын уверже негызеш П.Шакиров ямдылен
