Марий Марий Турек район Сардаялыште шочын-кушшо Илья Андреевым мӱндыр Ханты-Мансийск кундемыштат сайын палат.
Илья Борисович икмыняр ий чоҥышо организацийым вуйлата. Лач Юграшке тудо марий пӧръеҥ, тале кидмастар-влакым чоҥымо пашашке коштыкта. Жапше лийме семын Марий мландышкыже толын каяш, ешыже, родо-тукымжо да йолташыже-влак дене вашлияш, нунын дене мутым вашталташ йӧным муэш.
Ола воктенысе ялыште…
Шукерте огыл мыланемат тудын дене палыме лияш пиал шыргыжале.
Илья Борисовичын суртшо Йошкар-Ола воктенысе Нолька ялыште верланен. Ялыш пурымеке, кужу урем дене мотор пӧрт-влакым ончен эрташ моткоч куанле. Вес уремыш савырнымеке, кок пачашан, сӧрал окнасерган пу пӧрт торашке волгалтеш! Капка ончылно марий вургеман вийвал пӧръеҥ, пурла кидшым кӱшкӧ нӧлталын, мемнан дене саламлалте. Тугеже йомакысе гай пӧртын озаже – Илья Борисович, шоналтышым. Икте-весе дене палыме лиймеке, поро кумылан суртоза кудывечыш пураш темлыш. Марий-влакат тыгай чапле пӧртыштӧ илат манын, куанен, кудывечышкыже вончышна.
– Ик кудывечыште – кум сурт олмо. Тиде пӧрт – мемнан, а тушто ӱдыр ден веҥына икшывышт дене илат, – умбалнырак, йоча-влаклан модаш келыштарыме кумдык турасе кок пачашан пу пӧрт могырышкыла ончыктыш Илья Борисович. – Ялыште кушкынна, сандене ола воктене пу пӧртыштак илыме шуын. Шукынжо шонат докан: молан тыгай кугу кумдыкым налынам?..
!!! Материалым умбакыже 7 майысе газетыште лудаш лиеш!!!
АЛЕВТИНА БАЙКОВА
М.Скобелевын фотожо
