УВЕР ЙОГЫН

«Марий продукт» тамгам калыклан аклаш луктыт

Марий Элын «Марий продукт» качестве тамгаже вашке шке тӱсшӧ дене палдара. 

Марий Элын  Ялозанлык да продовольствий министерствыштыже  ты знакын келшен толмыжым каҥашыме шотышто пашаче группо погынен. «Марий продукт» брендын шкем-ошо ден тӱрлӧ чиян тамгаже-влакым Йошкар-Олаште дизайн пашам шуктышо кок компаний темлен. Содыки келшен толшо ныл тӱрлӧ знакым ойырен налме. Нуно республикысе сатум ыштен лукшо-шамычын сай качестван да экологически яндар кочкышыштым  Марий Эл деч ӧрдыжтӧ кумдан чапландараш келшен толыт, шонат.  

Палемдыман, ойырен налме ныл качестве знакым эше калык шинчаончык лукташ огыт вашке, но лишыл жапыште ончыкташ шонат да нуным кумдан каҥашымашке ушнаш ӱжыт. Сандене «Марий продукт» качестве тамгалан акым пуымашке республикыште илыше кажне еҥ ушнен да шке шонымашыжым каласен кертеш. Россий кӱкшытыштӧ бренд знак дене октябрьыште Москваште эртышаш «Шӧртньӧ шыже 2017» ялозанлык выставкыште палдарат.

А.АНДРЕЕВ.

Опубликовать в Одноклассники

Добавить комментарий