КУЛЬТУР ДА ИСКУССТВО

Марий муро орган да флейте почеш йоҥген

31 октябрьыште Э.Сапаев лӱмеш опер да балет театрыште орган музык концерт эртен. Тудым «Калейдоскоп» манын лӱмденыт.

Концерт программыште театрын тӱҥ органистше Арсений Ушков ден Антонида Воронинан, тыгак виолончелист Марина Ежован шоктымышт почеш классике, руш да касвел Европысо музык-влак йоҥгеныт.

Тыгай концертыште икымше гана орган да флейте почеш марий музык йоҥген. Флейтым Российын сулло артистше Виталий Шапкин шоктен. Залыште шинчыше-влак Яков ден Андрей Эшпаймытын курыкмарий мурыштым шокшын вашлийыныт.

В.Шапкинын палемдымыж почеш, Йошкар-Олаште тыгай музык кас ончыкыжымат эртаралтеш да марий калыкнан талантан шочшыжо-влакын произведенийышт йоҥгаш тӱҥалыт.

А.Байкова. 

 

Опубликовать в Одноклассники

Добавить комментарий