Киров областьыште марий тӱвыра фестиваль-конкурс лиеш.
Областьысе Калык усталык пӧрт тудым заочно эртара. Тушко ты кундемысе да пошкудо регионла гыч марий творческий коллектив ден посна мурызо-влакым ушнаш ӱжыт. Тыгак калыкле-тӱвыра автономий, диаспор-влакын еҥыш ушнен кертыт, но репертуарыштышт марий муро, куштымаш, моло фольклор лийшаш улыт. Конкурс кум номинаций дене аклалтеш: «Национальный куштымаш», «Национальный муро», «Фольклор».
Йодмашым 24 февраль марте odnt_ornk@mail.ru электрон адресыш колтыман.
С.Носова
