Марий Элысе чодыраште пожар лийын кертме пагыт мучашлалтын.
Тыге Марий Элын Пӱртӱс поянлык, экологий да йырым-йырысе средам аралыме министерствыштыже иктешленыт. Чылаже тиде ийын чодыра 46 гана йӱлен да 45,6 гектар кумдыкышто пӱртӱс поянлыкна локтылалтын. Тышеч 42 пожар чодыра фондын кумдыкыштыжо лийын, а молыжо обороно да посна аралыме пӱртӱс кумдыкышто. Тӱҥ шотышто тул дене пайдаланыме годым тӱткылык укелан кӧра тыге лийын. Куанен палемдыман, кугу пожар лийын огыл. Нуным «Авиалесохрана» организацийын да арендатор-влакын вийышт дене йӧртымӧ.
Таҥастарашлан: кодшо ийын чылаже 18 пожар лийын, 21 гектарыште чодыра локтылалтын.
С.Носова.
