ТАЗАЛЫК

Кылмен черланыше шукемеш

Эртыше арнян республикыштына ОРВИ дене 3046 еҥ черланен, тиде чот гыч 2217 черлыже (72,8 процентше) 14 ияш марте йоча-влак улыт. 3-6 ияш икшыве-шамыч коклаште кылмен черланыме сӱрет эпидемий лондемыш шуын. Грипп дене черланыме случайым регистрироватлыме огыл.

Регионысо эпидемиолог-шамычын данныйышт почеш, 2019/2020 ийласе эпидсезонышто грипп дене черланыме деч 308100 еҥлан прививкым ышташ палемдыме, тиде чот гыч 75 процент деч шагал огыл еҥже лӱдыкшӧ (риск) тӱшкаш пура.

1 ноябрьлан чумыржо 78190 йоча ден 172847 кугыеҥлан прививкым ыштыме. Тылеч посна 3370 еҥ шке оксажым тӱлен вакцинироватлалтын.

М.ИВАНОВА

 

Опубликовать в Одноклассники

Добавить комментарий