УВЕР ЙОГЫН

Куштылго атлетике: Эшеат писе да тале лийыныт

18-19 майыште Йошкар-Оласе «Дружба» стадионышто куштылго атлетике ден Марий Элын первенствыж ден чемпионатше эртаралтыныт. Тушто 20 ияш марте ӱдыр-рвезе-влак вийыштым тергеныт. 

Республикнан тӱрлӧ кундемже, Татарстан Республик, Киров да  Кострома областьла гыч стартыш чылаже 300 утла участник лектын.

Тӱрлӧ кужытыш куржталмаште, кӱкшытым налмаште, копьём кышкымаште шукышт результатыштым саемденыт. Мутлан,  100 метрыште Даниил Жуйковым, 1500 метр кужытышто Николай Иванушкиным, копьём кышкымаште Глафира Стуковам, 400 метрыш куржталмаште Кирилл Семёновым палемдыман. Ӱдырамаш эстафетыште (4х100м) ПГТУ гыч ӱдыр-влакым мокталтыман. 

Тиде чемпионат деч вара Марий Элын сборный командыжым чумырат.

Ты сборный 5-9 июньышто Пензыште Юл кундем федерал округын первенствыж ден чемпионатыштыже республикын чапшым аралаш тӱҥалеш.

Е.Эшкинина.

Опубликовать в Одноклассники

Добавить комментарий