Шокшым пуышо сетьым ачалмылан кӧра Йошкар-Олаште кок троллейбус кум кече вашталтше маршрут дене кудалышташ тӱҥалыт.
Йошкар-Оласе 1-ше №-ан ТЭЦ-ын пашаеҥже-влак 23 гыч 25 майыште кас марте Первомайский уремыште 103-шо №-ан пӧрт воктене шокшо пучым пуышо сетьым терген ачалат. Тидлан кӧра 1-ше ден 5-ше №-ан троллейбус-влакын кудалыштме жапышт да маршрутыш вашталтеш.
1-ше №-ан троллейбус:
18 шагат марте тыгай маршрут дене кудалыштеш: депо – В.И.Ленин лӱмеш культур полат – Ленин проспект дене кӱртньыгорно вокзал – Ленин проспект дене В.И.Ленин лӱмеш культур полат остановко – депо.
18 шагат деч вара тыгай маршрут дене кудалыштеш: депо – В.И.Ленин лӱмеш культур полат – Ленин проспект дене кӱртньыгорно вокзал – Ленин проспект дене В.И.Ленин лӱмеш культур полат остановко – Лапшино остановко – Подольский курсант-влак урем – Транспортный урем – Келшымаш урем – депо.
5-ше №-ан троллейбус: кок велышкат Ленин проспект дене В.И.Ленин лӱмеш культур полат остановко гоч кум кече кудалыштеш.
А 2-шо, 3-шо, 6-шо, 8-ше, 9-ше, 10-шо, 11-ше №-ан троллейбус-шамычын кудалыштме маршрутышт ончычсо гаяк, огеш вашталт.
Р.Чепакова ямдылен.
