Кучемыште

Кум йочан кумылжым шукта

Марий Элым вуйлатыше Александр Евстифеев регионысо кум йочан у ий кумылжым шукта.

А.Евстифеев «Кумыл кож» всероссийский акцийыш ушнен – республикысе ёлко гыч кум шарым шӱм вургыж налын.

Икымше шарыште Курыкмарий районысо Ямангаш селаште илыше 10 ияш Ника Митрюшкинан шонымашыже киен. Начар тазалыкан ӱдыр швед стенкан лияш шона.           

«Пеш сай. Спортым йӧратыше ӱдыр», — мокталтен тудым регионым вуйлатыше.

Кож гыч налме кокымшо шар Йошкар-Ола гыч 15 ияш Николай Антоненковын лийын. Рвезе Йӱштӧ Кугыза деч у ий пӧлек шотеш фотоаппаратым вуча.

А.Евстифеевын палемдымыж почеш, Николай – творческий шӱлышан личность.

Кумшо шар – Йошкар-Ола гыч Ксения Уртьеван. Тулык ӱдыр У ийлан ноутбукым чот вуча.

Александр Евстифеев нине йочан шонымашышт обязательно шукталтеш манын.

Марий Элым вуйлатышын организаций да аналитике виктемжын уверже негызеш М.ИВАНОВА ямдылен

Опубликовать в Одноклассники

Добавить комментарий