Ӱмаште шыжым Киров кундемыште гармоньым шокташ йӧратыше-влаклан эртаралтше «Вятские-хватские» фестиваль гыч Шернур районын «Кас гармонь» ансамбльже ден Марисола ялын уста, талантан йыгыр кум иза-шольо Алексей, Илья да Никита Шабдаровмытын гран-при дене пӧртылмышт нерген газетыштына возенна ыле.
– А ты гана тиде конкурсын жюри членже Виктор Шутов Удмуртий гыч лӱмынак Шабдаровмыт ешыш унала толын да эорге-влаклан пӧлекым – сӱретлыме пу совлам – кучыктен, – палемдыш рвезе-шамычым шокташ туныктышо гармоньчо Саша Иванов.
А мыланна, мутат уке, нунын мастарлыкышт дене куанаш да кугешнаш веле кодеш. Рвезе-влак да нуным ты пашалан шӱмаҥдыше ача-аваже, туныктышыжо-влак таза лийышт, ончыкыжымат шуко сеҥымашыш шуышт!
А.БАЙКОВА.
А.Ивановын фотожо.
