26 майыште Республикысе курчак театрыште «Курчак дене пырля кулис шеҥгеке путешествийыш» урок шотан спектакльын премьерже лийын. Моноспектакльыште Жап леди (Сауле Этлис) тӱрлӧ элыш тӱрлӧ эпохысо курчак театрлаш «намиен коштыктен». Тиддеч посна школышто тунемше-влаклан курчак-влакын икте-весышт деч ойыртемалтмышт, нунын дене пашам ыштымышт нерген каласкаленыт. Варажым икшыве-влак ик жаплан артист лийыныт: «Теремок» спектакльыште рольым модыныт.
