УВЕР ЙОГЫН

Кудалышташ да транспортым шогалташ чаралтеш

В.И.Ленин лӱмеш площадьыште тӱҥ кожым шогалтымылан кӧра, У ий пайрем кечылаште Йошкар-Олаште автотранспорт кудалыштме корно вашталеш. Ола рӱдыштӧ икмыняр корно участкыште кок арня утла автомашина оза-шамычлан кудалышташ да транспортым шогалтен кодаш огеш лий, увертара ола администраций.

Пайрем кечылаште Волков уремысе, Гоголь урем гыч Ленин проспект корно участке петыралтеш. Тыгак Ленин проспектыште Комсомольский  гыч Волков урем участке, Комсомольский уремыште, Ленин проспектыште М.Шкетан театр атостоянкыш кудалын пураш да автомашинам шогалтен кодаш чарыме:

31 декабрьыште 22.00 шагат марте;

1, 7, 13, 19 январьыште – 17.00 гыч 22.00 шагат марте.

Тыгак автомашина оза-влак 8, 13, 19 январьыште 17.00 гыч 22.00 шагат марте шке транспортыштым Волков уремыште Ленин проспект гыч Гоголь урем марте да В.И.Ленин лӱмеш площадьыште шогалтен коден огыт керт.

Р.ЧЕПАКОВА

Опубликовать в Одноклассники

Добавить комментарий