Оршанке посёлко гыч Кугу Ӧрша марте Николай Чудотворецлан кумалме кечын ырес дене каеныт.
Пытартыш ийлаште тидыже поро йӱлаш савырнен. Кугу Ӧрша ял воктене верысе чолга еҥ Виталий Мироновын тыршымыж дене икмыняр памашым тӱзатыме. Ты пашаште тудлан икшыве-шамычат полшеныт. Южо памаш пеленже Виталий Яковлевич изирак часамламат келыштарен. А ик часамлажлан Николай Чудотворец лӱмеш юмын шӱлышым пуртымо. Тений кидмастар часамла воктеке библий сюжетлан келшыше вес настам келыштарен. Ырес дене кайыше калыклан протоиерей Дмитрий Вылекжанин молебеным, моло черке йӱлам эртарен. Вара кумылан-влак лӱмын келыштарыме верыште памаш вӱд дене чывылталт лектын кертыныт.
С.Носова.
