УВЕР ЙОГЫН

Корно тӧр лийшаш!

Общероссийский калык фронтын Марий Элысе активистше-влак Медведево районысо Дорожный поселко гыч Пӱнчерсола марте шуйнышо корно ужашым шотыш кондаш йодмашан серышым «Марийскавтодор» организацийыш колтеныт.

Ты кундемыште илыше-влакын мутышт почеш, тиде ужашыш афсальтым шарыме гынат, тудо чот локтылалтын да моткочак лакылан. Ты амал дене водитель-шамычлан шукыж годым корно ӧрдыж дене кудалашышт логалеш.

Тиде корно дене Шойбулак школышто тунемше-влакат эртат да нуным автобус дене шупшыктымо годым кугу лӱдыкшӧ лиеда.

Пӱнчерсолаште илыше-шамыч тиде пӱсӧ йодышыштым решатлаш полшаш верысе администрацийымат, муниципал чиновник-шамычымат, ГИБДД управленийымат йодыныт. Вашмутланымашышт гыч рашемын: тиде корно республиканский значениян, сандене йодышым «Марийскавтодор» организаций дене рашемдыман.

Улшо ситыдымашым кораҥдаш организацийлан ӱмаште ноябрьыштак предписанийым пуэныт. Но контрольный тергымаш ончыктен: палемдыме жапыште корным шотыш конден огытыл. Тиде амал дене административный правонарушений нерген делам тарватеныт. Тыгак организацийлан адакат предписаным пуэныт: корно дене пайдаланыме годым лӱдыкшым ыштыше амал ден условийым кораҥдаш.

Л.КАМАЛЕТДИНОВА

Опубликовать в Одноклассники

Добавить комментарий