Волжск олаште тунемше-влак «ПДД-м мӧҥгыштӧ тунемына!» акцийыш ушненыт.
Поснак кугу чолгалыкым оласе 4-ше №-ан школышто тунемше-влак ончыктеныт да эстафетым весе-влаклан пуэныт.
Акций дене келшышын, йоча-шамыч корно движений правил нерген тематический фильм ден видеороликым ончат, ача-авашт, коча-ковашт дене пырля неле корно ситуацийым лончылат да шке таҥашышт-шамычым корно движений правилым ушештараш ӱжыт.
Л.КАМАЛЕТДИНОВА
