НОВОСТИ ТАЧЕ ЯЛЫШТЕ

Корем гоч шуйналтше кӱварым уэмдат

Сай корно дене кудалын эртыме годым чонлан моткоч куанле. А шошым чыла вережак корно куандарыше огыл. Теве, мутлан, кодшо арняште республикнан рӱдолаж гыч Морко кундемышкыла кудалме годым тидым шкеак шижын да ужын кертна: я верын-верын асфальт «шӱтлен», я пачаш-пачаш «тумыштен» пытарыме. Тыгайыштыже утыждене машинам чытырыкташ огыл манын, пеҥгыде шартышан корным пел могыр гыч эртен кудалаш перна.

Моркыш миен шумаште, Усола ял тураште, корем гоч шуйналтше кӱвар дене пеш писынжак кудалаш ыш лий.

Кызыт тудым капитально олмыктат. Ты пашам «Мостремстрой» ГУКП шукта. Эр гыч тӱҥалын, кас марте пашаеҥ-влак лым лийде тыршат ыле. 30 метран кӱварым олмыктымеке, вӱдлан йоген эртыме верымат келыштарат.

– Пашам 1 апрельыште тӱҥалынна, кызыт ик могыржым тӧрлена гын, вара вес велышкыже куснена. Кок-кум тылзыште ыштен шуктышаш улына, – палемдыш прораб Алексей Иванов.

А.БАЙКОВА

Авторын фотожо

Опубликовать в Одноклассники

Добавить комментарий