20-25 майыште Йошкар-Олаште «Финно-Угрий студенчествын миссше-2018» тӱнямбал конкурс эрта. Тушто усталыкым Марий кугыжаныш университетын (В.Петрова), Петрозаводск кугыжаныш университетын (А.Соловьева ), Югорский кугыжаныш университетын ( Ю.Воложанина), Сыктывкар кугыжаныш университетын (И.Терентьева ), Мордовийысе кугыжаныш университетын (А.Машкова ), Глазовысо кугыжаныш педагогике институтын (Е.Третьякова), Удмурт кугыжаныш университетын (Е.Аркова) мотор пампалчышт ончыктат.
Марий Элын опорный вузшо ты конкурсым ынде кумшо гана эртара. Ӱмаште шыжым тиде вузын студенткыже Светлана Давыдова сеҥышыш лектын, садлан Марий кундем финн-угор калыкын эн сылне да ушан студенткыже-влакым шкеж деке чумыра.
Конкурсышто куд этап лиеш: «Калыкем – мыйын илышем» видеопрезентаций, «Калыкын моторлыкшо – чылаште» калык вургем дефиле, «Костюмын шочмыжо» конкурс-представлений, мурымо але куштымо номер, уш-акыл конкурс, финал дефиле.
Финал М.Шкетан лӱмеш Марий национальный драме театрыште 25 майыште 16 шагатлан лиеш.
Л.ШАБДАРОВА.
