31 майыште республикысе Марий тӱвыра рӱдер онлайн йӧн дене «Колумб лудмаш» поэзий конкурсым эртара.
Школышто тунемше, тыгак студент-влак, сылнымутым йӱкын лудаш йӧратеда? Тугеже, конкурсыш ушныза! Тидлан почеламутым лудмыдам видеош войзыза да 26 май марте тыгай электрон а дрес дене колтыза: mari-centr@mail.ru. Йодыш лектын гын, (8362) 45-88-51 телефон дене йыҥгыртыза.
Конкурс «Литературный» номинаций дене эрта. Участник-влаклан темлыме тыгай темым ойырен сылнымутым лудаш йӧн уло:
– кумдан палыме марий поэт-новатор Валентин Колумбын почеламутшым (произвденийже гыч ужашым) марла;
– Валентин Колумбын вес йылмыш кусарыме произведенийлажым;
– шке возымо произведенийым.
Усталыкым участникын ийготшым (7-11 ий, 12-16 ий, 17 ий да кугурак-влак) шотыш налын аклаш тӱҥалыт.
Г.КОЖЕВНИКОВА
