УВЕР ЙОГЫН

Козьмодемьянск портышто йолешке-влакын тошкалтышыштым олмыктеныт

«Козьмодемьянск порт» ОАО кундемыште йолешке-влакын тошкалтышыштым олмыктеныт. 

Козьмодемьянск олаште илыше-влак кеҥеж тӱҥалтыште социальный сетьлаште паром деке волтышо тошкалтышын моткочак начар улмыжлан вуйым шияш тӱҥалыныт ыле. Тошто бетон тошкалтыш йолешкылан чынжымак лӱдыкшӧ лийын, молан манаш гын тушто южо ужаш катлалтын але йӧршын йомын…

Куанен палемдыман, курыкмарий-влакын йӱкыштым колыныт, вуйым шиймыштым шотыш налыныт: июльышто «Чебоксар водохранилищын инженерный аралымашыже» ГФУ ден «Флагман» ВСК» ООО тошкалтышым олмыктеныт. Тудын дене ынде волашат, кӱзашат лӱдыкшӧ огыл.

М.ИВАНОВА.

Опубликовать в Одноклассники

Добавить комментарий