СОЦИАЛ ИЛЫШ

Кодам корнышто у павильон лиеш

Тений июльышто Советский район Кодам кундемыш савырныше корно турасе остановкышто у павильоным чоҥаш палемдыме.

Тиде йодыш дене кылдалтше паша совещанийым «Марийскавтодор» предприятийым вуйлатыше Анатолий Аверин верыш лектын эртарен. Тудо район администраций вуйлатышын икымше алмаштышыже Анатолий Глазырин да архитектур пӧлкам вуйлатыше Нина Кудрявцева дене каҥашен.

Кодам велыш савырныше корнышто павильоным чонымо йодыш шукертсек пӱсӧ лийын. Ончычсо кермыч конструкций туге тоштемын, эсогыл теве-теве сӱмырлен кертын. Сандене эше ӱмаште шыжымак тудым кораҥдаш пунчалым луктыныт.

Палемдыме корнышто шуко автомашина кудалыштеш, тидланже ӧрман огыл, вет ты кундемыште районын ик эн кугу Кужмарий ял шотан илемже верланен, а тушкыжо таче кечылан коло наре ял пура. Санденак автопавильон калыклан моткочак кӱлеш.

Г.Кожевникова.

Опубликовать в Одноклассники

Добавить комментарий