Ӱмаште идалык мучаште У Торъял поселкышто чыла шотыштат жаплан келшыше книгагудым почыныт. Тыге тушто ынде книгам веле огыл миен налын лудаш, эше фильм ден мультфильм-влакымат ончаш лиеш!
Теве, мутлан, кодшо кечылаште «киногостинныйыште» кумылан-влак «Левша», «Конёк-горбунок» мультфильм-влакым, «Капитанская дочка» ден «Верный Руслан» фильм-влакым онченыт. Мо оҥайже, тидлан оксамат тӱлаш кӱлын огыл! Сеанс-влак яра эртаралтыт!
Л.КАМАЛТДИНОВА
