15 июньышто Йошкар-Олаште калык усталык, тӱвыра да этнографий нерген видеофильм-влак интернет-конкурс лиеш. Тений тудо шымше гана эрта.
Тыгайже Российыште илыше калык-влакын йӱлаштым, тӱвыраштым аралаш да вияҥден колташ, видео пашалан утларак еҥым кумыландаш полша.
Видеофильм-влакым куд номинацийыште («Эн сай документальный фильм», «Эн сай модмо фильм», «Эн сай анимаций фильм», «Эн сай режиссер паша», «Эн сай йӱк режиссер паша», «Эн сай оператор паша») ойырат.
Конкурсыш шке пашажым кӧ колтен шуктен огыл гын, 5 июнь марте Республикысе калык усталык да тӱвыра ден каныме шотышто шанче-методике рӱдерыш колтен кертеш.
А.Байкова.
