27 январьыште Йошкар-Ола «Блокадный хлеб Ленинграда» всероссийский акцийыш ушна.
Тиде акций Кугу Отечественный сар годым Ленинградысе блокадым пытарымылан пӧлеклалтеш. Тений тиде исторический кугу событийлан 76 ий темеш. «Курымашлык тул» мемориал комплекс воктеке Доброволец-влакын республикысе школыштын да «Воскресение» кычалше студент отрядын ӱдыр-рвезыже-влак погынат. Нуно Ленинград блокадын историйже дене палдараш, тудо пагытым шарныктыше листовко-влакым пуэдаш тӱҥалыт. Кумылан-влаклан ту пагытым шарналташ манын, 125 грамм кинде курикамат темлат. Тунам тушто лач тынар киндым ик еҥлан ойыреныт.
С.НОСОВА
