5-ше ий почела 17 февральыште Марий Элысе студент паша отряд-влак, иктеш чумырген, тиде кечым пайремлат. Черетан мероприятий Марий кугыжаныш университетыште эртен. Мероприятийыш погынышо-влакым Марий Эл Правительстве председательын икымше алмаштышыже Михаил Васютин, Молодежный политике, спорт да туризм министор Лидия Батюкова, МарГУ-н ректоржо Михаил Швецов, студент отряд штабын командирже Аркадий Кожевников да молат саламлышт. Кызыт республикыште МарГУ да ПГТУ пелен чылаже 9 отряд тырша. Студент-влак кеҥеж каныш жапыште йоча лагерьыште воспитательлан але кухньышто полышкалышылан, тыгак стройкышто, корным чоҥымаште, поездлаште проводниклан да моло вереат пашам ыштат.
О.МОШКИНА
