28 сентябрьыште Йошкар-Оласе «Спартак» ФОК воктене «Нацийын кроссшо-2019» всероссийский тӱшка старт пуалтын. Тыгай спорт пайремыш республикнан чыла районжо ушнен, манаш лиеш.
Стартыш таза илыш-йӱлан ик эн ӱшанле йолташыже-шамыч лектыныт. Тудо тений «Спорт – илыш нормо» проектлан келыштаралтын. Ты проектше «Демографий» нацпроектын задачыж дене келшен толын.
Мотор шыже игече, сандене шукышт сад-пакчаште тыршеныт але чодырашке миеныт, сандене ты гана участник-влак палынак шагал улыт ыле. Мутат уке, шукыштым адакат куржталаш лийме нерген медицине справкым, страховкым ышташ кўлмє (кызыт тидын деч посна ок лий) чактарен.
Уна-влакым молодёжный политике, спорт да туризм министр Л.Батюкова, Марий Элыште Олимпийский советын президентше В.Чумаков шокшын саламленыт, чылаштлан весела кумылым, пиалан трассым, тазалыкым тыланеныт.
Флагым тале куштылго атлет-влак, тўнямбал чемпионатын кок гана участникше, тӱнямбал кӱкшытан спорт мастер, элнан сборный командыжын членже Людмила Лебедева дене Российын спорт мастерже, элнан юниор-влак коклаште сборный командыжын чапшым аралыше Кирилл Семёнов луктыныт.
Старт 12 шагатлан пуалте. Ийготым шотыш налын, участник-шамыч, палемдыме икмыняр кужытыш чымалтыч. Нуным шуко вучаш ыш логал, спортсмен-влак финишыш я иктын-иктын, я тўшка дене чумырген тольыч. Чылаштлан ты кроссын участникше улмо нерген сертификатым, шере пєлекым кучыктышт.
Спортсмен-профессионал-шамыч коклаште 4 километр кужытышто
Михаил Рыбаков, Дмитрий Иванушкин, Семён Могонов призёр радамыште лийыч. Ты кужытыштак ўдыр-влак коклаште Ксения Мубаракшина, Ольга Прядкина, Мария Макарова ончыко лектыч. Эн кужу дистанцийыште (8 км) абсолютный чемпион Людмила Лебедева ден Сергей Петров лийыч.
Опытан кокла гыч ончыч сутка мучко, а кызыт марафоным куржталше Н.Соколовым, тыгак шукерте огыл тӱнямбал кӱкшытан марафонышто ойыртемалтше В.Гороховым палемдыман. Эн изи ийготан-шамыч коклаште Виолетта Волкова ден Владислав Козлов икымше верым налыныт.
Спорт пайрем сай кўкшытыштє эртен.
– Мый кажне ийын тиде стартыш лектам. Чылажат сай ыле, келшыш, – мане шке тўшкаштыже икымше верым налше М.Рыбаков.
– Шукерте огыл спорт туризм дене эртыше всероссийский та‰асымаште вием тергенам. 17 гана Российын чемпионкыжо лийым. Шкем тергаш тиде – оҥай йєн, – шыргыжалын пелештыш спорт туризм да спорт ориентирований дене спорт мастер К.Мубаракшина.
– Пеш чот писын куржаш тӱҥалме, сандене нелырак ыле. Ты шотышто йо‰ылышым колтымо, – палдарыш кокымшо верым налше О.Прядкина.
– Мыланем тренировко изиш
ситен огыл, – ешарыш кумшо верым налше М.Могонова (ўдыр фамилийже Макарова).
– Шке кумылым нєлталын, икте-весым ужын кутыралтена, кечым пайдалын эртарена, – куанжым ыш шылте Н.Соколов.
Е.Эшкинина.
«Нацийын кроссшо» всероссийский куржталмаш (географий велымат, стартыш лекше участник шотыштат) элыштына эн кугу тўшка спорт мероприятийлан шотлалтеш. Тыгай сынан таҥасымаш 2004 ийыште стартым налын.
