СОЦИАЛ ИЛЫШ

Каненыт, капкылым погеныт

Роспотребнадзор увертара

Каненыт, капкылым погеныт

Тений кеҥежым йоча ден подростко-влаклан 236 лагерь пашам ыштен. Ола деч ӧрдыжтӧ верланыше 17 стационар, кечывалым лийме 210, палаткыште илыме 6 лагерьыште да 3 йоча санаторийыште 19933 икшыве свежа южым шӱлен, тутло пучымышым кочкын, сылне мурым мурен. 10 лагерьыште пӱртӱсысӧ вӱдан верыште йӱштылыныт. Пудий пурлмо, инфекциян чер дене черланыме случайым ик тӧнежыштат регистрироватлыме огыл.

 Кеҥеж канышым иктешлыме почеш, 94,2 процент йоча палынак кушкын да нелытым поген. Ола деч ӧрдыжтӧ верланыше чыла лагерьыште да санаторийыште икшыве-влакым суткаште 300-350 теҥгеш вич гана пукшымо, кечывалым лийме лагерьыште – 140-150 теҥгеш кок гана, палаткыште илыме лагерьыште – 240 теҥгеш ныл гана. Йоча-влакын кӱмыжыштышт чыла калорий шке верыштыже лийын, энергетический ак ден натуральностят 98-107 процентыш шуыныт.

М.ИВАНОВА.  

 

Опубликовать в Одноклассники

Добавить комментарий