Россий кӱкшытыштӧ «Калык участковый-2017» конкурс эрта. Марий Элыште илыше-влакат шке «калык» участковыйыштым ойырен налыныт. Тыге регионысо этапыште Руслан Березин сеҥен.
Онлайн-йӱклымашын иктешлымашыж почеш, республикыште илыше-влак кокла гыч эн шукын лач тудлан шке йӱкыштым пуэныт.
Эл кӧргӧ паша орган-влакын пашаеҥыштын кечышт вашеш всероссийский конкурсын пытартыш этапше лиеш. Тушто Марий Элын чапшым Руслан Арсланович аралаш тӱҥалеш.
Кугурак участковый уполномоченный, полицийын лейтенантше Руслан Березин полицийыште 2014 ий гыч ышта. Кызыт Морко поселкышто участковый уполномоченныйлан тырша.
Л.Камалетдинова.
