Тений март гыч июнь марте Йӱдвел-Кавказ, Касвел да Юл кундем федерал округлаште «Россий Федерацийын общий образований системыштыже Российысе калык-влакын йылмышт» семинар-совещаний-влак эртат. Марий Элыште тудо 19 майыште Марий кугыжаныш университетын «Шолмо точко» рӱдерыштыже лиеш.
Проектын тӱҥ шонымашыже – элыштына илыше калык-влакын йылмыштым туныктымым вияҥдымаште полыш. Тудым илышыш «Еш-влаклан социальный полышым пуымо да еш поянлыкым аралыме шотышто ача-ава-влакын национальный ассоциацийышт» общероссийский мер организаций ынде кумшо ий илышыш шыҥдара. Тудо уло Российым авалта. Икымше ужашыж дене келшышын, мероприятий-влак 2020 ийын кокымшо пелыштыже Мӱндыр эрвел, Сибирь да Урал федерал округлаште эртеныт.
Марий Элыште семинар-совещанийын модераторжо – историй науко кандидат, Россий Федераций Просвещений министерствын коллегийжын членже Ача-ава-влакын национальный ассоциацийыштын координационный советыштын ответственный секретарьже Алексей Гусев. Мероприятийыште федерал спикер, Марий Элысе образований сферыште вуйлатыше, шанчыеҥ-влак да молат лийыт.
Г.КОЖЕВНИКОВА
