Шукерте огыл Йошкар-Оласе «Милосердие» садыште уста эмлызе, кидмастар Анатолий Яньков деке унала мийышна.
Анатолий Йошкар-Оласе 2-ше №-ан эмлымверыште массажистлан тырша. Паша деч вара сад-пакчашкыже вашка. Садым пелашыж дене пырля арун куча. Йыраҥыштыже ик шӱкшудымат от уж. Садыште улшо оралтыжымат эре уэмда. Теве кок ий ончыч саварым тӧрлатен, монча пелен верандым ыштен, канаш тошто теплице гыч беседкым келыштарен. Йолташыже, пырля пашам ыштыше-влаклан тудо пу гыч пӱчкеден лукмо совлам, кухньылан йӧршӧ оҥам ятыр пӧлеклен. Изи оралтыжым чыла могырымат шкешотан оҥ гыч пӱчкедыме тӱр сылнештара. Монча пелен верстакыште эше кум оҥам ямдылен.
– Калыкым эмлаш вий, чытыш кӱлеш, садлан тыште канем.
М.СКОБЕЛЕВ
Авторын фотожо.
Снимкылаште: 5650 Садыште 5676, 5664 — А.Яньков.
5648 — Снеге пеледеш
