Футбол дене тӱнямбал чемпионат элыштына 14 июнь гыч 15 июль марте эрта. Тиде жапыштак школлаште иктешлыше кугыжаныш экзамен-влак лийыт. Нуно икте-весылан чаракым огыт ыште? ЕГЭ-н расписанийышкыже вашталтыш ок пурталт?
Д.ИВАНОВ.
Йошкар-Ола.
Йодышлан Марий Элын Образований да науко министерствыжын пресс-службыштыжо вашештеныт:
– Рособрнадзорым вуйлатыше С.Кравцов футбол дене тӱнямбал чемпионатын эртымыжлан кӧра ЕГЭ-м эртарыме радам ок вашталт манын палемден. Математике да руш йылме дене иктешлыше экзамен-шамыч чемпионат деч ончычак лийыт, тыгак кажне предмет дене ЕГЭ кечывал деч ончыч эрта, а футболын матчше 15-18 шагатлан тӱҥалеш, санденак нуно икте-весылан огыл мешае.
Л.ШАБДАРОВА.
