УВЕР ЙОГЫН

Кажныштыже – чон гыч лекше тауштымаш

«Сеҥымаш открытке-влак»  проектыш Юл кундем федерал округысо 14 регион гыч 10 тӱжем открытке пурен. Кажныштыже – ветеран-влаклан тауштымаш, шочмо эл дене кугешнымаш да тыныс илышым арален кодымо кумыл.

Юл кундем федерал округышто Россий Федераций президентын полномочный представительжын аппаратшын полшымыж дене илышыш пуртымо калык проект – школышто тунемше да студент-влаклан Кугу Отечественный сарын историйже дене кылдалтше шинчымашым свежаҥдаш йӧн. Мутлан, южо открыткыжым плакат дене таҥастараш лиеш: нуно кумдан палыме военный операций, полководец але герой дене пӧлеклалтын, южо автор еш архив гыч фото ден серышлам кучылтын.

Шарнымаш коллекцийым пойдараш Юл кундем федерал округышто илыше кажне еҥ кертеш. Тидлан пфопобеда.рф сайтын «Открыткым ешараш» лончышкыжо пурыман.

Марий Эл Республикым вуйлатышын организаций да

аналитике виктемжын уверже-влак негызеш Г.КОЖЕВНИКОВА ямдылен

Опубликовать в Одноклассники

Добавить комментарий