ЭКОЛОГИЙ

Кажнын – шкенжын

Марий Элын Пӱртӱс поянлык, экологий да йырым-йырысе средам аралыме министерствыжын увертарымыж почеш, регионыштына 2024 ий марте торым ойырымо вич комплексым инвестиций кӱшеш чоҥаш палемдыме.

 Идалыкыште 80 тӱжем тонн шӱкшакым ойырен кертше объект Йошкар-Олаште лиеш. Тудым чоҥаш 185 миллион теҥге кӱлеш.

Волжск олаште идалыкыште 40 тонн торым ойырен кертше комплексым 130 миллион теҥгелан чоҥаш палемдыме.

Шернур посёлкышто идалыкыште 30 тонн шӱкшакым ойырен кертше комплекс лиеш. Тудым 127 миллион теҥгелан чоҥат.

Идалыкыште 12 тонн торым ойырен кертше комплекс тыгак Морко посёлкышто пашам ышташ тӱҥалеш. Тиде объектын суммыжо 59 миллион теҥгеш шуэш.

Курыкмарий районысо Вопшынӓнгыр ялыште идалыкыште 15 тонн шӱкшакым ойырен кертше комплексым чоҥат, тидлан 20 млн. теҥгем кучылтыт.

Кызыт Марий Эл правительстве палемдыме проектым илышыш пурташлан инвестор-влакын темлымашыштым вуча.  

М.ИВАНОВА

Опубликовать в Одноклассники

Добавить комментарий