ТАЧЕ ЯЛЫШТЕ

Кажне татше шерге!

Кеҥеж – моткочак тургым пагыт. Тиде жапыште поснак ялыште, ялозанлыкыште мом-гына ыштен шуктыман огыл?! Ӧрканаш да йогыланаш нигузе огеш лий. Арам огыл ойлат: «Ик кеҥеж кече идалыкым пукша».

Кызыт республикысе колхозлаште веле огыл лым лийде шудым солат, кургым ямдылат, фермер ден посна озанлык-шамычат ты шотышто каналташ ярсыде манме гаяк тыршат.

Теве ончыгече, 8 июльышто, У Торъял районыш командировкыш мийымына годым паша дене Масканур велыш кудалшыла Кужнур ял воктенысе пасушто технике-влак пашам ыштымым ужна да мутланаш шогална. Тыште Чӱксола гыч фермер Юрий Соколовын пасужо верланен улмаш. Тудо шкеже да Алексей эргыже кок тракторышт дене ик жаплан чарнен шогалыныт да лачак ала-мом каҥашат ыле (…. снимкыште). Очыни, мом да кузе ыштышашым. Вет мемнан дене мутым вашталтымеке, нуно умбакыже шке пашаштым шуяш кудальыч: иктыже шудым оварташ тӱҥале, весыже – тудым рулоныш пӱтыраш.

Мом ойлаш, тыгай ояр мотор игечыште ик минутым веле огыл, ик татшымат арам ышташ жал: жап моткоч шерге!

Любовь КАМАЛЕТДИНОВА

М.Скобелевын фотожо

Опубликовать в Одноклассники

Добавить комментарий