22-23 ноябрьыште Йошкар-Олаште «Йӱштӧ кугыза ден Лумӱдырын школышт» усталык лабораторий лиеш, увертара Республикын руш тӱвыра рӱдерже.
Кок кече жапыште участник-влаклан мастер-класс, аудио да видеозапись полшымо дене тренинг-влакым Россий культурын сулло пашаеҥже, Моско да Орел олаласе Массовый театр-влакын режиссёрышт эртарат.
Усталык лабораторийыш У ийым эртарыше, культур учреждений-влакын вуйлатышышт, сценарист, режиссёр, аниматор, тыглай студент, Йӱштӧ кугыза ден Лумӱдыр рольым модшо, школласе педагог да моло кумылан-влак ушнен кертыт.
Тунем лекмеке, чылалан сертификатым кучыктат.