ПАТЫРЛЫК

Йӱдвел полюсышто лийше тисте

Йошкар-Оласе Евсеев лӱмеш тоштер пӧлек шотеш Марий Элын Йӱдвел полюсышто лийше тистыжым налын.

Музей пашаеҥ-влак дене вашлийме годым сенатор К.Косачёв «Росатом» Госкорпорацийын Йӱдвел полюсыш экспедицийым ыштымыж нерген каласкален. Экспедицийы 1977 ий 17 августышто «Арктика» атомный ледоколын икымше гана Йӱдвел полюсышто лиймыжлан нылле ий теммылан

пӧлекленыт.

Тиде экспедицийыш тӱнямбалныжат эн кугу «Сеҥымашлан 50 ий» атомный ледокол дене тунамсе дате дене келшышын лектыныт. Участник семын Федераций Советын членже, РФ Кугыжаныш Думын депутат-влак лийыныт. Нунын коклаште – Марий Элын тистыжым кужу корныш налше мемнан регион деч сенатор Константин Косачёв.

Тыгак тушко Российысе атом энергетике предприятийлам да ледокол флотым вуйлатыше-влак миеныт. Полюсыш кум кечат пеле гыч шуыныт. Ледоколышто специалист-влак кажне кечын Йӱдвел теҥыз корным эртыме шотышто лекцийым лудыныт. К.Косачёвын палемдымыж почеш, экспедиций мучашлан чыланат пуйто Арктикын йӧратен шындыше фанатыш савырненыт.

Е.Эшкинина.     

Опубликовать в Одноклассники

Добавить комментарий