Тыгай фестиваль Татарстан Республикысе Буймо селаште лийын.
Тушко Татарстан, Башкортостан, Удмурт республикла, Екатеринбург ола гыч самодеятельный артист-влак ушненыт. Марий Эл гыч Курыкмарий кундемыште шочын-кушшо тале гармонист, Россий культурын сулло пашаеҥже Арсений Яйцов миен.
— Фестиваль моткоч сайын эртен, — ойла гармоньчо. — Мероприятий пытымеке, изижат-кугужат марий, руш, татар сем почеш уло кумылын куштымашке ушнен. Тыгай вашлиймаш икте-весым ужын мутланаш, каҥашаш йӧным ышта, сандене кеч-кунамат тыгайыш куанен каем.
А.БАЙКОВА
