УВЕР ЙОГЫН

Йошкар-Ола гыч — 50 еҥ

Кодшо кугарнян Йошкар-Оласе администрацийын конференц-залыштыже рӱдолаштына илыше марий-влакын конференцийышт эртен. Тушто Йошкар-Ола гыч ХI Марий калык погыныш делегат-влакым сайленыт.

Куанен палемдыман, калыкнан ончыкылыкшо нерген тургыжланыше, мер илышышке шке надырым пышташ кумылан-влак тичмаш зал погыненыт ыле. Марий Эл Правительстве председательын икымше алмаштышыже Михаил Васютин, олан мэрже Евгений Маслов толыныт. Нуно коктынат апрельыште эртышашлык погынын оргкомитетшын еҥже-влак улыт. Евгений Васильевич  марий рӱдолан пытартыш жапыште кузе вияҥмыж нерген изирак докладымат ыштыш.

Кызыт элнан 19 регионыштыжо Марий калык погыныш делегат-влакым сайлыме пагыт эрта. Тыгак Эстонийыште, Финляндийыште, Венгрийыште, Украиныште илыше марий-шамычат ушненыт. «Чылаже 358 делегатым сайлышаш улына», — палемдыш Мер Каҥаш вуйлатышын алмашыже Валерий Мочаев. Пытартыш перепись почеш, Йошкар-Олаште 60720 марий ила. Сандене нунын кокла гыч палемдыме семын 1500 еҥлан ик делегат дене налмаште 41 делегат лийшаш. Тыгак Мер Каҥашын 8 еҥже делегат радамыш вигак логалыт, вет нуно погынышто эртыше пагытыште шуктымо паша лектышышт дене палдарышаш улыт. Мутат уке, республикысе моло муниципал образованийла дене таҥастарымаште Йошкар-Оласе делегаций эн кугу лийшаш.

Конференцийыште участвоватлаш манын, чылаже 277 еҥ регистрацийым эртен. Ончыч ныл еҥан секретариатым, 7 еҥан шотлышо комиссийым пеҥгыдемденыт. Вара мутым Михаил Васютин налын. Тудо ты погынымашымат, Марий калык погынымат сайын эртарен колташ тыланен. Марий оньыжа Эдуард Александроват оласе конференцийыш марий-влакын рӱж толмыштым куанен палемден.

Тӱҥ йодыш делегат-влакым сайлыме дене кылдалтын. Тидлан оласе округыш пурышо кугыжаныш, муниципал, мер организаций-влак ончылгоч шке кандидатыштым ямдылен темленыт. Кажныжын представительже нунын дене кӱчыкын палдарен. Тыгак шке кумыл дене делегатыш лекташ шонышо-влак шке кандидатурыштым темленыт. Чылаже 102 кандидат погынен. Вара конференцийын пунчалже дене нунын кокла гыч делегат-влакым шолып йӱклымаш гоч ойыраш палемдалтын. Тидыже умылыдымаш ынже лек да чылажат кагазеш документ семын пеҥгыдемдалт кодшо манын ышталтын. Пунчалме да тыгак  ыштыме. Ӱлно ме олаште илыше марий-влакын ӱшаныштым ХI погынышто шукташ ойырымо делегат-влакын спискыштым савыктена.

Куанен палемдена: «Марий Эл» газет дечат кум еҥ тиде радамыш логалын: тиде — тӱҥ редакторна А.Абдулов, тудын алмаштышыже С.Пехметова да тӱвыра да сымыктыш йодыш дене редактор А.Байкова. Палемдыман, кок кандидат (нуно списке почеш 41- ше да 42-шо лийыныт) икгай чот  йӱкым (82) погеныт. оркомитетын енже-влак мандатым когыньыштланат пуаш келшеныт.

Мер каҥашын еҥже

  1. Александров Эдуард Васильевич
  2. Мочаев Валерий Александрович
  3. Васютин Михаил Зиновьевич
  4. Иксанова Лидия Геннадьевна
  5. Кошкина Людмила Ивановна
  6. Матвеев Михаил Иванович
  7. Пушкина Наталья Васильевна
  8. Эштуков Игорь Викторович

Сайлалтыныт

  1. Ямбердов Иван Михайлович
  2. Юзыкайн Эрик Алексеевич
  3. Алексеев Роман Юрьевич
  4. Иркабаев Олег Геннадьевич
  5. Чузаев Родион Иванович
  6. Мустаев Геннадий Михайлович
  7. Абукаева Любовь Алексеевна
  8. Кузьмин Евгений Петрович
  9. Абдулов Александр Саликович
  10. Иванова-Ямаева Галина Николаевна
  11. Пехметова Светлана Федоровна
  12. Катаева Римма Григорьевна
  13. Кленов Алексей Максимович
  14. Таныгин Сергей Иванович
  15. Ширяева Галина Степановна
  16. Степанова Ираида Александровна
  17. Актуганов Игорь Витальевич
  18. Степанова Татьяна Николаевна
  19. Иванова Альбертина Петровна
  20. Соловьев Юрий Ильич
  21. Ласточкина Галина Алексеевна
  22. Семенова Лидия Васильевна
  23. Тихонов Олег Николаевич
  24. Зайниев Гельсий Зайниев
  25. Чемышев Андрей Валерьевич
  26. Бирюков Александр Васильевич
  27. Тойшева Рита Геннадьевна
  28. Имаева Надежда Олеговна
  29. Федосеева Надежда Александровна
  30. Ершов Василий Григорьевич
  31. Попов Никандр Семенович
  32. Шабдаров Николай Витальевич
  33. Почтенева Марина Георгиевна
  34. Александров Михаил Васильевич
  35. Гребнева Татьяна Николаевна
  36. Григорьева Людмила Яковлевна
  37. Максимов Валерий Николаевич
  38. Козлов Владимир Никифорович
  39. Речкин Иван Никандрович
  40. Байкова Алевтина Леонидовна
  41. Алексеев Родион Сергеевич
  42. Смирнов Анатолий Анатольевич

 

 С.НОСОВА

М.Скобелевын фотожо

Опубликовать в Одноклассники

Добавить комментарий