УВЕР ЙОГЫН

Йошкар-Олаште экскурсовод-влакын квалификацийыштым нӧлтымӧ курс почылтеш

Марий епархийын образовательный рӱдерже «Елеон» экскурсий-паломник службыж дене пырля экскурсовод-влакын квалификацийыштым нӧлтымӧ курсым почеш. 

Тушто Йошкар-Оласе православный турист обьект-влак дене палдарыше экскурсовод-влакым ямдылаш тӱҥалыт. Ты курс «Православный инициативе» тӱнямбал грант конкурсышто сеҥымылан кӧра почылтеш. Тушко профессиональный экскурсовод-влак веле огыл, тыглай кумылан еҥ-влакат ушнен кертыт. Нуно православий дене кылдалтше тӱрлӧ сферысе шинчымашым йӧршеш яра налыт. Курс тылзат пеле наре шуйна. Занятий-влак шочмо, вӱргече, кугарня еда 17 шагат 30 минут гыч 20 шагат 40 минут марте занятий-влак эртаралташ тӱҥалыт. Кыдалаш профессиональный але кӱшыл шинчымашан еҥ-влак налалтыт. Курсым пытарымеке, квалификацийым нӧлтымӧ нерген ончылгоч палемдыме образецан удостоверенийым кучыктат.

Тунемаш кумылан-влак mari-palomnik@yandex.ru электрон почтыш йодмашым колтышаш улыт. Рашракше 20-81-12 номеран телефон дене  рашемдаш лиеш. Организационный погынымаш Йошкар-Оласе православный рӱдерыште 3 сентябрьыште лиеш. Пелен паспортын ксерокопийже, образований нерген диплом да 3х4 см кугытан фотографий лийшаш.

 С.Носова.

Опубликовать в Одноклассники

Добавить комментарий