Йошкар-Олаште ноябрьыште Марий политехнический техникум негызеш инвалид-влак коклаште профессиональный мастарлык шотышто «Абилимпикс-2017» национальный чемпионатын регионысо этапше эртаралтеш.
Марий Элын Паша да пашавер департаментыштыже пален налме почеш, чемпионат пушеҥгым сылнын пӱчкедымаш, кружвам, кужу име, бисер дене пидмаш номинаций-влак почеш эрта.
Чемпионатыште эн кӱкшӧ мастарлыкым шке коклаштышт профессиональный образовательный организацийлаште тунемше, пашаш вераҥдыме, тыгак пашам кычалше инвалид-влак тергаш тӱҥалыт. Мероприятий жапыште культур, профориентаций ден деловой программе эртаралтыт, паша вер ярмиҥга лиеш.
А.АНДРЕЕВ.
