УВЕР ЙОГЫН

Йошкар-Олаште «Доступная среда» икымше ресурс рӱдер почылтын

8 ноябрьыште Марий Элын рӱдолаштыже «Доступная среда» икымше ресурс рӱдер почылтын. 

Машиностроитель уремысе 16-шо №-ан пӧртыштӧ верланыше ресурс рӱдер – тиде начарын да шагал куснылшо калык тӱшкалан кумдыкым келыштарыме шотышто кугыжаныш проектым илышыш шыҥдарыме кӱлешан ошкыл. Ынде инвалид-влак тушто консультативно-технический полышым, тыгак реабилитацийлан кӱлешан оборудованийым эсогыл прокатыш налын кертыт. Рӱдер «Доступная среда» программым илышыш пуртышашлан кажне еҥлан технический документацийым кумылын ямдылаш полша, консультацийымат пуа.

Икымше ресурс рӱдерым торжественно почмашке почётан уна-влак кокла гыч Йошкар-Олан мэрже Евгений Маслов, Марий Элын социальный вияҥмаш министржын икымше алмаштышыже Илга Дравниеце да молат миеныт.

Тиде рӱдерым почмо дене республикна «Доступная среда» программе дене кӱлынак пашам ыштыше Российысе икымше субъект-влак коклашке пурен.

М.ИВАНОВА.
Н.Бажинан фотожо.

Опубликовать в Одноклассники

Добавить комментарий