УВЕР ЙОГЫН

Йошкар-Оласе маршруткышто ак кӱзен кертеш

Тидын шотышто пассажир-влакым шупшыктышо частный перевозчик-влак Йошкар-Оласе администрацийыш шижтареныт. Каласен кодыман: кызыт частный шупшыктышо-влаклан пассажирым кудалыштыктымылан акым вашталташ разрешений огеш кӱл, но оласе депутат-влакын погынымашыштын 2017 ий сентябрьыште лукмо пунчалже почеш, тидын нерген муниципалитетыш  увертарышаш улыт. Частный перевозчик-влак акым 4-10 июль гыч вашталташ шонат. Маршрутко дене кайымылан да багажым наҥгайыме ик верлан ынде 25 теҥгем тӱлаш логалеш.

 Оласе кучемын еҥже-влак акым тыге чот кугемдымылан ӧрыныт, сандене  перевозчик-влакын ошкылыштлан правовой акым пуаш да олаште  илыше-влакын интересыштым аралаш манын, контролироватлыше органыш йодмаш дене лектыныт.

 С.Носова.

Опубликовать в Одноклассники

Добавить комментарий