Озаҥ марий-влакын калыкле-тӱвыра автономийыштын еҥже-влакын чолгалыкыштлан ӧраш гына кодеш.
Пырля погынен, эре иктаж-могай да мероприятийым эртарат: я концертым, я тӱрлӧ каныме касым, спорт пайремым… Теве шукерте огыл шкешт деке мастар-классым эртараш Звенигово ола гыч уста тӱрызӧ-влакым лӱмын ӱжыныт. Татарстаныште «Марий тӱвыран кечыже-влакым» эртарыме кугу мероприятий нерген увертаренна ыле. Тиде амал денак ты кече-влакын икымше мероприятийжым 11 февральыште эртарен колтеныт. «Марийцы» кинофильмым тӱшкан онченыт.
С.НОСОВА
