нацпроект УВЕР ЙОГЫН

ЙОДЫШ ЛЕКТЕШ ГЫН, ВОЛОНТЁРЫМ ЙОДСА

 «Оласе йырвелым йӧнаным ыштымаш» федеральный проект дене келшышын, 2022 ийыште тӱзатышаш кумдык-влак верч йӱклымаш эл мучко эрта. Тудо 26 апрельыште тӱҥалын да 30 май марте шуйна. 14 ияш деч кугурак ийготан-влак йӱклен кертыт.

РОССИЙЫШТЕ илыше 5 миллион утла еҥ тӱзатышаш объект-влак верч йӱкшым пуэн. Регионлаште да олалаште ойырен налме кумдык-влак спискым  za.gorodsreda.ru платформышто вераҥдыме, тыге тӱзатышаш паркын але скверын, уремын але кудывечын паспортыштым шымлен ончаш чылалан йӧн пуалтеш.

МАРИЙ ЭЛЫШТЕ 32 тӱжем утла еҥ йӱклен. Коеш, республикыште илыше-влак тӱшка паша деч ӧрдыжкӧ огыт шого, нуно илыме верышт эшеат сӧрал, ару да илаш йӧнан лийже манын тургыжланат. Эше ик гана ушештарена: пеҥгыдемдыме учётный запись почеш «Госуслуго» портал але личный кабинет гоч 12.gorodsreda.ru платформышто голосоватлыман. Нелылыкым шижыда але йодыш лектеш гын, волонтёр-влакым йодса – нуно тыланда телефон номерда гоч йӱклаш полшат. Марий Элыште 191 доброволец ты кӱлешан сомылым шукта.

Л.СЕМЕНОВА

Опубликовать в Одноклассники

Добавить комментарий