Социальная жизнь
СОЦИАЛ ИЛЫШ

Йодыш – вашмут

Йодыш – вашмут

Кунам да кузе?

Каласыза, пожалуйста, военный пенсионер-влаклан кокымшо пенсийым кунам да кузе палемдат?

В.Егоров.

Волжский район.

Йодышлан Россий Пенсий фондын Марий Элысе пӧлкажын пресс-службыжым вуйлатыше Н.Мирошина вашешта:

– Таче Марий Элыште силовой ведомствын 3000 утла пенсионерже кокымшо пенсийым налеш.

«Гражданский» манме кокымшо пенсийым военный пенсионер-шамычлан нине условийым шотыш налын палемдат:

— пӧръеҥлан 60 ий лийшаш, ӱдырамашлан – 55 ий;

— «гражданкыште» эн шагал страховой стажым погымо гын (2017 ийыште тудо – 8 ий);

— кӱлеш наре пенсий балл улмо годым (2017 ийыште 11,4 деч шагал лийшаш огыл);

— силовой ведомство линий дене сулен налме (за выслугу лет) але инвалидность шотышто пенсийым палемдыме гын.

Военный пенсионер-влакын «гражданский» пенсийыштын кокла кугытышт  регионыштына –2430 теҥге. Тыгай пенсий фиксироватлыдыме выплате деч посна палемдалтеш да тӱлалтеш. Военный пенсионер гражданский тӧнежыште кокымшо пенсийым палемдыме деч варат пашам ышта гын, страховой пенсийжын кугытшым 1 август гыч веле угыч шотлат. 

Военный пенсионерлан шоҥгылык шотышто страховой пенсийым Россий Пенсий фондын виктемыштыже палемдат. Йодмашым «Гражданинын личный кабинетше» гоч электрон йӧн денат пуаш лиеш.

М.ИВАНОВА.

Опубликовать в Одноклассники

Добавить комментарий