САМЫРЫК ТУКЫМ

Илыш девиз

Мут дене эҥгекым ышташ, эмлашат лиеш манын, калыкыште арам огыт ойло. Тудын вийже пеш кугу. Шукыштын ончык каяш таратыше девиз уло, шонем. Тидын нерген лудшына-влак мом ойлат, айста пален налына.

Павел Титов, Морко район:

«Илышыште мо ышталтеш — чылажат сайлан гына», «Эре ончыко, шеҥгек корно уке», «Шӱлыкан кумыл озаланен гын — тренировкыш кай» нине шомак-влакым мый шкаланем шке чӱчкыдын ушештарем.

Альбина Токмалаева, Киров кундем:

Мый спорт дене кылым кучем. Тугеже «Писынрак, кӱшкырак, виянрак» девиз лачем толеш, вийым пуа.

Елена Кошкина, Шернур район:

Илышыште тӱҥлан шотлымо ик посна девиз мыйын уке манаш лиеш. Тидын годымак кеч-кунамат шкаланем келшыше, лыпландарыше шомакым муын кертам.

        Елена Дмитриева, Йошкар-Ола:

—  «Ончылно лийнет гын, кидым иканат ит волто», — тидым мый ушыштем эреак кучем. Шонымаш шукталтмаште тиде кӱлешан правил, шонем.

О.МОШКИНА

Опубликовать в Одноклассники

Добавить комментарий