УВЕР ЙОГЫН

Илем йыр ару лийшаш

Общероссийский калык фронтын Марий Элысе чолга еҥже-влак Юрино районысо чодыра арендатор, тыгак верысе Шодыгол посёлкысо калык дене калык дене пырля Экологын кечыжлан субботникым эртареныт. Юрино лесничестве кумдыкышто торым эрыктеныт. Чылаже коммунальный шӱкшак полигоныш 50 тонн торым луктыныт.

Шодыголышто 900 наре еҥ ила. Каласен кодыман, быт шӱкшакым ик верыш погымо паша тушто огеш вораҥ. Ял шотан илемын администрацийже тидым у системе почеш 1 июль гыч ышташ тӱҥалаш сӧра. Посёлкышто контейнер-влакым вераҥдыме индеш площадкым келыштараш палемденыт. Тышеч кокытшо ямде.

«Рейдым эртарыме жапыште ме посёлко йыр шуко вере быт шӱкшакым ыштыме орам верештынна. Нуно кажне кечын кугемын веле толыт, иктат кораҥдаш тыршен огыл. Сандене тидын шотышто верысе кучемымат шыжтараш да калыкым тарваташ логалын. Тӱшка вий дене тыгай сӱретлан мучашым пышташ пунчалме», — палдарен ОНФ-н региональный пӧлкажын экологий инспекторжо Алексей Маторкин.

Субботник деч вара мер пашаеҥ-влак меҥгылашке шӱкшакым кышкымым чараш йодмашан табличке-влакым пижыктеныт.

С.НОСОВА

Опубликовать в Одноклассники

Добавить комментарий