УВЕР ЙОГЫН

Илаш, тунемаш…

13 июньышто Волжск олаште «Полшымо кумдык» («Территория поддержки») республиканский форум лиеш.

Тудо «ТОПШкола-2018» (Рыбаков фонд) всероссийский конкурсышто сеҥыше, тыгак Марий Элын Социальный вияҥмаш министерствыжын полшымыж почеш илышыш пуртымо «Авам каныме жапыште» проектын кышкарыштыже эрта.

Форумышто социальный аралымаш, образований, здравоохранений системын, депутат корпусын, бизнесын, тӱшка увер средстван, коммерческий огыл секторын еҥже-влак участвоватлат.  

Программышке инвалид йоча-влаклан таза икшыве-шамыч семынак илаш полшымо шотышто ятыр мероприятийым пуртымо. Тыгак инклюзивный молодёжный команде-влак коклаште футбол дене тунирым эртараш палемдыме.

Форум Волжск оласе да чумыр регионысо мер организаций, кучем орган, бизнес-компаний, тӱшка увер средства-влаклан иквереш чумыргаш да инвалид йочан, 18 ий деч кугурак шочынак инвалидан еш-влаклан полшымашке виктаралтше пашам ворандарен колташ йӧным ыштышаш.

М.ИВАНОВА

Опубликовать в Одноклассники

Добавить комментарий